"Ата-аналарды педагогикалық қолдау"

Бүгін 15 қыркүйек күні сағат 16.00 де мектептің мәжіліс залында жалпы ата-аналар жиналысы өтті. Жиналыста адамның үйлесімді дамуы ұлттық институтының ғылыми-әдістемелік кеңесі ұсынған хатын негізге ала отырып,  мектепте "Ата-аналарды педагогикалық қолдау" орталығының құрылуы, орталықтың мақсаттары мен міндеттері, кестесі, жылдық жоспары мен құрамын бекіту, түсіндіру жұмыстары жүргізілді. Ата-аналарды педагогикалық қолдау Орталығының бағдарламалары балаларды тәрбиелеу және дамыту бойынша ата-аналық міндеттерді орындауды жеңілдетуге, ата-аналар мен балалардың нақты өмірде кездесетін мәселелерін шешуге ықпал етуге арналғаны айтылды. 
Қатысушы ата-аналар балалардың мінез-құлқының қалай өзгертетінін біледі, баланың мінез-құлқындағы қажетті өзгерістерге қол жеткізуге мүмкіндік беретін әдістерді үйренеді. Ата-аналар балаларымен қарым-қатынастың экологиялық таза тәсілдерін меңгереді, бір-бірін тыңдау және есту қабілетін дамытады, балалардың өздерін қауіпсіз сезінуіне көмектесетін шектеулерді қалай қою керектігін түсінеді, отбасындағы қарым-қатынасқа жаңа көзқараспен қарайды деген сенімдеміз.